मेहरूण (प्रतिनिधी :सरिता महाजन) : श्री संत ज्ञानेश्वर प्राथमिक व माध्यमिक विद्यालय, मेहरूण येथे शैक्षणिक वर्ष २०२६-२७ साठी विविध समित्यांची स्थापना करण्यात आली आहे. शाळेच्या शैक्षणिक, सांस्कृतिक व सामाजिक उपक्रमांचे प्रभावी नियोजन तसेच विद्यार्थ्यांच्या सर्वांगीण विकासाच्या दृष्टीने या समित्या कार्यरत राहणार आहेत.
यामध्ये प्रसिद्धी प्रमुख समितीची जबाबदारी करिष्मा चव्हाण यांच्याकडे सोपविण्यात आली आहे. शाळेतील विविध उपक्रम, कार्यक्रम व विद्यार्थ्यांच्या उल्लेखनीय यशाची माहिती समाजापर्यंत पोहोचविण्याचे महत्त्वपूर्ण कार्य त्या पार पाडणार आहेत.
प्रसिद्धी प्रमुख समितीमार्फत शाळेतील शैक्षणिक, सांस्कृतिक, क्रीडा, पर्यावरण व सामाजिक उपक्रमांची माहिती वर्तमानपत्रे, सोशल मीडिया तसेच अन्य माध्यमांद्वारे प्रसारित केली जाणार आहे. याशिवाय विविध कार्यक्रमांचे छायाचित्रण, बातमी लेखन, प्रवेश अभियानाची प्रसिद्धी, विद्यार्थ्यांच्या गुणवत्तापूर्ण कामगिरीची नोंद तसेच शाळेच्या उपक्रमांचा व्यापक प्रचार-प्रसार करण्याची जबाबदारीही समितीवर सोपविण्यात आली आहे.
करिष्मा चव्हाण यांच्या निवडीबद्दल संस्थेचे अध्यक्ष, मुख्याध्यापक, शिक्षक व शिक्षकेतर कर्मचाऱ्यांनी त्यांचे अभिनंदन करून पुढील कार्यासाठी शुभेच्छा व्यक्त केल्या आहेत.
