शिरसोली(प्रतिनिधी) : परिसरातील १४ वर्षीय अल्पवयीन मुलगी संशयास्पदरीत्या बेपत्ता झाल्याची घटना समोर आल्याने खळबळ उडाली आहे. या प्रकरणी एमआयडीसी पोलीस ठाणे येथे अज्ञात व्यक्तीविरुद्ध अपहरणाचा गुन्हा दाखल करण्यात आला असून पोलिसांकडून मुलीचा शोध घेण्यासाठी तपास सुरू करण्यात आला आहे.
पोलिसांकडून मिळालेल्या माहितीनुसार, संबंधित मुलगी ही १९ मे २०२६ रोजी पहाटे तीन वाजेच्या सुमारास राहत्या घरातून अचानक गायब झाल्याचे निदर्शनास आले. कुटुंबीयांनी परिसरात शोध घेतल्यानंतरही ती आढळून न आल्याने मुलीच्या वडिलांनी एमआयडीसी पोलीस ठाण्यात धाव घेत फिर्याद दाखल केली.
फिर्यादीत, अज्ञात व्यक्तीने मुलीला फूस लावून पळवून नेल्याचा संशय व्यक्त करण्यात आला आहे. त्यानुसार पोलिसांनी गुन्हा क्रमांक ४३४/२०२४ अन्वये भारतीय न्याय संहिता कलम १३७(२) प्रमाणे अपहरणाचा गुन्हा नोंदविला आहे.
या घटनेचा पुढील तपास पोलीस अधिकारी राजेंद्र उगले करीत असून, मुलीचा शोध घेण्यासाठी विविध पथके कार्यरत करण्यात आल्याची माहिती पोलिसांनी दिली आहे.
