मेहरुण (प्रतिनिधी) शहरातील रामेश्वर कॉलनी येथील दिनांक 6/5/26 रोजी
पर्यावरण संवर्धनाचा संदेश देण्यासाठी मेहरुण येथील श्री संत ज्ञानेश्वर प्राथमिक व माध्यमिक विद्यालयाने एक अभिनव उपक्रम हाती घेतला आहे. शाळेच्या इको क्लबतर्फे “एक विद्यार्थी – एक वृक्ष” ही संकल्पना राबवली जात असून, नव्याने प्रवेश घेणाऱ्या विद्यार्थ्यांच्या पालकांना वृक्ष लागवडीसाठी बीज भेट दिली जात आहे.
या उपक्रमामागील उद्देश प्रत्येक कुटुंबाने किमान एक तरी वृक्ष लावावा आणि विद्यार्थ्यांमध्ये लहानपणापासून निसर्गाविषयी प्रेम व जाणीव निर्माण व्हावी हा आहे. पर्यावरण रक्षणासाठी शाळेने उचललेले हे पाऊल समाजासाठी प्रेरणादायी ठरत आहे.
शाळेचे मुख्याध्यापक श्री. मुकेश नाईक यांनी सांगितले की, वाढत्या प्रदूषणाच्या पार्श्वभूमीवर पर्यावरणाचे जतन करणे अत्यंत आवश्यक बनले आहे. विद्यार्थ्यांमध्ये पर्यावरणाबाबत जागरूकता निर्माण व्हावी, यासाठी हा उपक्रम सुरू करण्यात आला आहे.
या उपक्रमाचे पालक व नागरिकांकडून कौतुक होत असून, शाळेच्या या प्रयत्नातून पर्यावरण संवर्धनाचा महत्त्वपूर्ण संदेश समाजात पोहोचत आहे.
