जळगाव शहर वाहतूक पोलिसांची मोठी कारवाई; १० लाख ९५ हजारांचा मुद्देमाल जप्त हवाल्याच्या पैशांबाबत संशय; अडावद येथील दोन तरुणांविरुद्ध गुन्हा दाखल

Spread the love

जळगाव(प्रतिनिधी : राजू शेख) दि. १७ : जळगाव शहर वाहतूक शाखेच्या पोलिसांनी गोपनीय माहितीच्या आधारे मोठी कारवाई करत अडावद येथील दोन तरुणांकडून तब्बल १० लाख ९५ हजार १२० रुपयांचा मुद्देमाल जप्त केला आहे. ममुराबाद रोडवरील विटभट्टीजवळ ही कारवाई करण्यात आली. या कारवाईमुळे शहरात खळबळ उडाली आहे.

पोलिसांना मिळालेल्या गोपनीय माहितीनुसार, अडावद येथील दोन इसम हवाल्याच्या माध्यमातून रक्कम गोळा करून त्या पैशांतून सोन्याची बिस्किटे खरेदी करून पार्सल करीत असल्याचा संशय होता. या माहितीची खातरजमा करण्यासाठी शहर वाहतूक शाखेचे पोलीस कर्मचारी इम्रान रहिम बेग आणि मंगळ नथ्यु साळुंके यांना पाठविण्यात आले होते.

 

दरम्यान, १६ नोव्हेंबर रोजी दुपारी २ वाजून २० मिनिटांच्या सुमारास ममुराबाद रोडवरील विटभट्टीजवळ एमएच १९ ईयू १८८४ क्रमांकाच्या बुलेट मोटारसायकलवरून जाणाऱ्या दोघांना पोलिसांनी ताब्यात घेतले. त्यांची नावे हरीष राजेंद्र महाजन (वय ३०) आणि सुजित गोकुळ महाजन (वय २६), दोघे रा. बालाजी मंदिराजवळ, अडावद, ता. चोपडा, जि. जळगाव अशी आहेत.

 

पोलिसांनी त्यांच्याकडील बॅगांची तपासणी केली असता १०० रुपयांच्या नोटांमध्ये ५ लाख रुपये आणि ५०० रुपयांच्या नोटांमध्ये २ लाख ५० हजार रुपये, अशी एकूण ७ लाख ५० हजार रुपयांची रोकड मिळून आली. याशिवाय २ लाख ५० हजार रुपये किमतीची बुलेट मोटारसायकल, ६५ हजार रुपये किमतीचा आयफोन, २८ हजार रुपये किमतीचा विवो मोबाईल आणि २ हजार १२० रुपये रोख रक्कम असा मुद्देमाल जप्त करण्यात आला.

 

या कारवाईत एकूण १० लाख ९५ हजार १२० रुपयांचा मुद्देमाल पोलिसांच्या हाती लागला. पोलीस उपनिरीक्षक रहीम रज्जाक शेख यांनी दोन पंचांच्या उपस्थितीत जप्तीचा पंचनामा केला.

 

याप्रकरणी पोलीस कर्मचारी इम्रान रहिम बेग यांच्या फिर्यादीवरून जळगाव तालुका पोलीस ठाण्यात महाराष्ट्र पोलीस अधिनियम १९५१ चे कलम १२४ अन्वये नॉन-कॉग्निझेबल गुन्हा रजिस्टर क्रमांक ९८७/२०२६ दाखल करण्यात आला आहे. पुढील चौकशी पोलीस नाईक विजय निकम करीत आहेत.

 

या कारवाईत सहभागी पोलीस अधिकारी व कर्मचारी : पोलीस उपनिरीक्षक रहीम रज्जाक शेख, पोलीस कर्मचारी इम्रान रहिम बेग, मंगळ नथ्यु साळुंके आणि पोलीस नाईक विजय निकम.


Spread the love

या बातम्या देखील वाचा

जळगावात दुचाकी चोरट्यांचा पर्दाफाश; दोन आरोपी अटकेत, चोरीच्या पाच...

जळगाव (प्रतिनिधी: इमरान खान): जळगाव शहरासह चोपडा, पिंपळा परिसर आणि इतर ठिकाणांहून दुचाकी चोरी करणाऱ्या टोळीचा रामानंद नगर पोलिसांनी पर्दाफाश केला आहे. या कारवाईत...

जळगावच्या रथ चौकात पोलिसांची धडक कारवाई; देशी बनावटीचे पिस्तूल...

जळगाव (प्रतिनिधी : इमरान खान) : जळगाव शहरातील रथ चौक परिसरात अवैधरित्या देशी बनावटीचे पिस्तूल आणि जिवंत काडतूस बाळगणाऱ्या एका तरुणाला शनिपेठ पोलिसांनी धडक...

रावेर पोलिसांची गांजा विक्रेत्यांवर धडक कारवाई! घरावर छापा टाकून...

जळगाव( प्रतिनिधी: हिरालाल राजपूत): जिल्ह्यात अंमली पदार्थांची अवैध विक्री आणि साठवणूक करणाऱ्यांविरोधात रावेर पोलिसांनी मोठी कारवाई केली आहे. पाल (ता. रावेर) येथे एका संशयिताच्या...

संपादक - रजत शेख

Latest