जळगाव (संपादक :रजत शेख)
शहरातील रामेश्वर कॉलनी येथील दिनांक 15 ऑक्टोंबर रोजी बुधवार संत ज्ञानेश्वर विद्यालया मध्ये मी फटाके फोडणार नाही अभियान*
दिवाळी सण आनंदाचा असला, तरी त्यातून होणारे प्रदूषण टाळण्यासाठी संत ज्ञानेश्वर प्राथमिक व माध्यमिक विद्यालयात “मी फटाके फोडणार नाही” हा उपक्रम राबवण्यात आला.
मनपा शिक्षण विभाग, जळगाव यांच्या मार्गदर्शनाखाली मंगळवारी फटाक्यांच्या दुष्परिणामांबाबत जागृती पत्रक वितरित करण्यात आले. त्यानंतर बुधवारी विद्यालयात शिक्षक व विद्यार्थ्यांच्या उपस्थितीत हा उपक्रम पार पडला.
या प्रसंगी रूपाली आव्हाड मॅडम यांनी विद्यार्थ्यांना फटाक्यांमुळे होणारे हवेचे व ध्वनी प्रदूषण तसेच रासायनिक दुष्परिणाम याबद्दल सविस्तर माहिती दिली. त्यांनी सांगितले की, फटाके हे धोकादायक रसायनांपासून बनवले जातात व त्याचा परिणाम पर्यावरण आणि आरोग्यावर होतो.
यानंतर सर्व विद्यार्थी शाळेच्या मैदानात जमले आणि एकमुखाने “मी फटाके फोडणार नाही” अशी शपथ घेतली.
मुख्याध्यापक मुकेश नाईक म्हणाले, “गेल्या वर्षीच्या फटाकेमुक्त दिवाळी उपक्रमाला आमच्या विद्यार्थ्यांनी उत्स्फूर्त प्रतिसाद दिला होता. अनेक विद्यार्थ्यांनी आपल्या पालकांना फटाके न आणण्याचा आग्रह धरला होता. या वर्षीही मुलांनी पर्यावरणपूरक दिवाळी साजरी करण्याचा संकल्प केला आहे.”
🌱 या उपक्रमाद्वारे संत ज्ञानेश्वर विद्यालयाने पर्यावरण रक्षणाचा सुंदर संदेश दिला आहे. 🌱
