जळगाव : (संपादक : रजत शेख) शहरातील रामेश्वर कॉलनी येथील संत ज्ञानेश्वर विद्यालय मंगळवार दिनांक 11 नोव्हेंबर 2025 रोजी भारताचे पहिले शिक्षणमंत्री, अहिंसा समर्थक व थोर स्वातंत्र्यसेनानी भारतरत्न मौलाना अबुल कलाम आझाद यांच्या जयंतीनिमित्त “राष्ट्रीय शिक्षण दिन” श्री संत ज्ञानेश्वर प्राथमिक व माध्यमिक विद्यालयात उत्साहात साजरा करण्यात आला.
या निमित्ताने इयत्ता तिसरी व चौथीच्या विद्यार्थ्यांसाठी रंगभरण स्पर्धेचे आयोजन करण्यात आले होते. स्पर्धेला प्रारंभ मुख्याध्यापक मुकेश नाईक यांनी मौलाना अबुल कलाम आझाद यांच्या प्रतिमेस माल्यार्पण करून केला.
स्पर्धेचे परीक्षण शितल कोळी यांनी केले. निकालानुसार इयत्ता तिसरीतील श्रुती पवन पाटील हिने प्रथम क्रमांक मिळवला तर अक्षदा सचिन कोठे हिला द्वितीय क्रमांकाने सन्मानित करण्यात आले. विजेत्यांना शैक्षणिक वस्तू भेट म्हणून देण्यात आल्या.
कार्यक्रमाचे नियोजन स्वाती नाईक यांनी केले असून सूत्रसंचालनाची जबाबदारी रूपाली आव्हाड यांनी केली
