जळगाव (संपादक : रजत शेख) – शहरातील रामेश्वर कॉलनी येथील संत ज्ञानेश्वर विद्यालयात शुक्रवार, दिनांक ७ नोव्हेंबर २०२५ रोजी विद्यार्थी दिन उत्साहात साजरा करण्यात आला.
या दिनाचे औचित्य असे की, भारतरत्न डॉ. बाबासाहेब आंबेडकर यांनी ७ नोव्हेंबर १९०० रोजी जिल्हा परिषद, सातारा संचलित प्रतापसिंह हायस्कूल येथे शिक्षणास प्रारंभ केला होता. त्या स्मृतिप्रित्यर्थ शिक्षण विभाग (प्राथमिक) यांच्या वतीने हा विद्यार्थी दिन साजरा करण्यात आला.
कार्यक्रमाची सुरुवात मुख्याध्यापक मुकेश नाईक यांच्या हस्ते डॉ. बाबासाहेब आंबेडकर यांच्या प्रतिमेला पुष्पहार अर्पण करून करण्यात आली.
विद्यार्थी दिनानिमित्त शाळेतील अंकिता हरिचंद्र यादव व खुशी ज्ञानेश्वर मोरे यांनी प्रभावी वकृत्व सादर केले, तर तरन्नुम मुस्ताक तडवी व रितिका छगन पाटील यांनी काव्यवाचन सादर करून कार्यक्रमात रंग भरला.
कार्यक्रमाचे सूत्रसंचालन रूपाली आव्हाड यांनी केले. यावेळी सर्व शिक्षक, शिक्षकेत्तर कर्मचारी तसेच विद्यार्थी मोठ्या संख्येने उपस्थित होते.
