नरडाणा(प्रतिनिधी: राहील देशमुख)(ता. शिंदखेडा, जि. धुळे) │ बसमध्ये चढणाऱ्या प्रवासी महिलेची सोन्याची पोत खेचून पळ काढणाऱ्या एका महिलेचा नरडाणा पोलिसांनी अवघ्या काही तासांत शोध लावून ५०,००० रुपयांच्या किंमतीची चोरीस गेलेली पोत हस्तगत केली आहे. पोलिसांच्या या द्रुत आणि शिताफीच्या कारवाईचे सर्वत्र कौतुक होत आहे.
दि. 28 नोव्हेंबर 2025 रोजी सकाळी सुमारे ११.४५ वाजता नरडाणा बसस्थानकावर शिरपूरकडे जाणाऱ्या एस.टी. बसमध्ये चढत असताना प्रवासी कुसूम राजाराम पाटील (वय ७१, रा. हंबडे) या महिलेला एका अज्ञात महिलेने गळ्यातील सोन्याची ५ ग्रॅम वजनाची पोत खेचून चोरी केली. धक्क्यातून सावरल्यानंतर त्यांनी तात्काळ नरडाणा पोलीस ठाण्यात धाव घेत तक्रार नोंदवली.
फिर्यादी महिलेने दिलेल्या वर्णनाच्या आधारे नरडाणा पोलिसांनी गावात सखोल शोधमोहीम राबवली. त्यात संशयित महिलेला हुशारीने ताब्यात घेतले. चौकशीत तिने चोरीची कबुली दिली असून तिच्याकडून ५०,००० रुपये किंमतीची सोन्याची पोत हस्तगत करण्यात पोलिसांना यश आले. अवघ्या काही तासांत गुन्हा उघडकीस आणत पोलिसांनी उल्लेखनीय कामगिरी बजावली.
ही कारवाई मा. पोलीस अधीक्षक श्री. श्रीकांत धिवरे, अपर पोलीस अधीक्षक श्री. अजय देवरे आणि उपविभागीय पोलीस अधिकारी श्री. सुनील गोसावी यांच्या मार्गदर्शनाखाली करण्यात आली.
कारवाईत सहाय्यक पोलीस निरीक्षक निलेश मोरे, पोउनि रविंद्र महाले, विजय आहेर, असई हेमंत पाटील, पोहेकॉ राकेश शिरसाठ, ललित पाटील, भरत चव्हाण, योगेश गिते, अनारसिंग पवार, विक्रांत देसले, पोना भुरा पाटील, पोकों विजय माळी, अर्पण मोरे, प्रशांत पाटील, सचिन बागुल, अनिल सोनवणे, मपोका भारती भोसले, अनिता पवार, चाग्रेपोसई अजय सोनवणे, पोहेकों सुनील पगारे आणि होमगार्ड जितेंद्र रणदिवे यांनी मोलाची भूमिका बजावली.
नरडाणा पोलिसांच्या तत्पर कामगिरीमुळे प्रवाशांमध्ये विश्वासाचा माहोल निर्माण झाला असून प्रशंसनीय कौतुक व्यक्त केले जात आहे.
