जळगाव (प्रतिनिधी: इमरान खान):आज सकाळी इच्छादेवी चौफुली परिसरात मुंबई हायवेवर वाहतूक नियमांचे उल्लंघन करणाऱ्या वाहनांवर विशेष मोहीम राबविण्यात आली. या मोहिमेदरम्यान एका कारवरील अवैधरित्या लावलेली ब्लॅक फिल्म काढून कारवाई करण्यात आली.
सदर कारवाई वाहतूक शाखेच्या पथकाने केली. या मोहिमेत पोलीस कर्मचारी उपनिरीक्षक मोरेश्वर चेन्दाम, पीएसआय किरण गांगुडे, एलएचसी शैला धनगर, एचसी नविद अली, एचसी महेश महाले, पीसी ऐनोद्दीन शेख, पीसी दीपक पाटील, टीसी अमोल धुगे आणि पीसी सचिन सोनवणे यांनी सहभाग घेतला.
वाहतूक नियमांचे पालन व्हावे तसेच वाहनचालकांमध्ये जनजागृती निर्माण व्हावी या उद्देशाने ही कारवाई करण्यात आली. नियमांचे उल्लंघन करणाऱ्या वाहनांवर यापुढेही कठोर कारवाई करण्यात येणार असल्याचे वाहतूक विभागाने सांगितले.
