आळंदीत चैन स्नॅचिंगचा पर्दाफाश; तीन आरोपी जेरबंद, १२.९५ लाखांचा मुद्देमाल जप्त

Spread the love

आळंदी(प्रतिनिधी):दि. १४ जून : आळंदी परिसरात भरदिवसा घडलेल्या चैन स्नॅचिंगच्या घटनेचा पिंपरी-चिंचवड गुन्हे शाखेने अवघ्या काही दिवसांत छडा लावत तीन आरोपींना अटक केली आहे. या कारवाईत चोरीस गेलेली सोन्याची चैन आणि गुन्ह्यात वापरलेले वाहन असा तब्बल १२ लाख ९५ हजार रुपयांचा मुद्देमाल जप्त करण्यात आला आहे.

आळंदी पोलीस ठाण्याच्या हद्दीत ९ जून रोजी एका नागरिकाच्या गळ्यातील सोन्याची चैन दुचाकीवरून आलेल्या दोन अज्ञात चोरट्यांनी जबरदस्तीने हिसकावून नेली होती. या धाडसी चोरीमुळे परिसरात खळबळ उडाली होती. घटनेनंतर आळंदी पोलीस ठाण्यात गुन्हा दाखल करण्यात आला होता.

पोलीस आयुक्त विनयकुमार चौबे यांच्या आदेशानुसार गुन्हे शाखेच्या मालमत्ता गुन्हे विरोधी पथकाने समांतर तपास सुरू केला. तपासादरम्यान पोलीस शिपाई अमर कदम यांना मिळालेल्या गोपनीय माहितीच्या आधारे पोलिसांनी संशयितांचा माग काढत सापळा रचला आणि तीन आरोपींना ताब्यात घेतले.

अटक करण्यात आलेल्यांमध्ये वैष्णव शरद कदम (२०), सचिन जालिंदर कदम (४२) आणि विजय ज्ञानेश्वर कदम (३३), सर्व रा. निरगुडी, ता. हवेली, जि. पुणे यांचा समावेश आहे.

पोलिसी चौकशीत आरोपींनी गुन्ह्याची कबुली दिली. त्यांच्याकडून चोरीस गेलेली ३३.८१० ग्रॅम वजनाची सुमारे ४.९५ लाख रुपये किमतीची सोन्याची चैन तसेच गुन्ह्यात वापरलेली ८ लाख रुपये किमतीची चारचाकी गाडी जप्त करण्यात आली. अशा प्रकारे एकूण १२.९५ लाख रुपयांचा मुद्देमाल हस्तगत करण्यात पोलिसांना यश आले.

ही कारवाई पोलीस उप आयुक्त (गुन्हे) रोहिदास पवार, सहायक पोलीस आयुक्त डॉ. विशाल हिरे यांच्या मार्गदर्शनाखाली वरिष्ठ पोलीस निरीक्षक संजय चव्हाण आणि त्यांच्या पथकाने केली. पुढील तपासासाठी आरोपींना आळंदी पोलिसांच्या ताब्यात देण्यात आले आहे.

अवघ्या काही दिवसांत गुन्ह्याचा छडा लावत आरोपींना जेरबंद केल्याने पिंपरी-चिंचवड गुन्हे शाखेच्या कामगिरीचे कौतुक होत आहे.


Spread the love

या बातम्या देखील वाचा

अनैतिक संबंधाच्या संशयातून ५५ वर्षीय व्यक्तीचा खून; एमआयडीसी पोलिसांकडून...

जळगाव (प्रतिनिधी इमरान खान): अनैतिक संबंध असल्याच्या संशयातून झालेल्या वादाचे पर्यवसान खुनात झाल्याची धक्कादायक घटना शिरसोली येथे घडली. गोरख विठ्ठल ठाकूर (वय ५५, मूळ...

जळगाव शहर वाहतूक शाखेची वाळूमाफियांवर कारवाई; अवैध वाळूसह ३...

जळगाव (प्रतिनिधी: हिरालाल राजपूत): जिल्ह्यात अवैध वाळू वाहतुकीला आळा घालण्यासाठी जळगाव शहर वाहतूक शाखेने प्रभावी कारवाई केली आहे. तरसोद फाट्यावरील पुलावर विशेष गस्तीदरम्यान अवैध...

३२ हजार ४९० झाडांच्या रक्षणासाठी जळगावकरांचा आवाज!भीमाशंकर वृक्षतोडीविरोधात जिल्हाधिकाऱ्यांना...

जळगाव : (प्रतिनिधी: राजू शेख): भीमाशंकर परिसरातील ३२ हजार ४९० झाडांची वृक्षतोड थांबविण्याच्या मागणीसाठी वन्यजीव संरक्षण बहुद्देशीय संस्था, जळगाव यांच्या वतीने जिल्हाधिकाऱ्यांना निषेध निवेदन...

संपादक - रजत शेख

Latest