लातूर(प्रतिनिधी ): सणाच्या पार्श्वभूमीवर कायदा व सुव्यवस्था अबाधित राखण्यासाठी लातूर एमआयडीसी पोलिसांनी मोठी कारवाई करत अवैध शस्त्र व्यवहाराचा प्रयत्न उधळून लावला. २७ मे २०२६ रोजी नवीन रेणापूर नाका ते रेल्वे स्टेशन सर्व्हिस रोड परिसरात ही कारवाई करण्यात आली.
या कारवाईदरम्यान पोलिसांनी गोविंद रंगनाथ डुरे (रा. टाकळी, ता. जि. लातूर) याला गावठी पिस्तूलासह ताब्यात घेतले. आरोपीकडे शस्त्र बाळगण्याचा कोणताही वैध परवाना नसल्याचे तपासात निष्पन्न झाले.
याप्रकरणी एमआयडीसी पोलीस स्टेशन येथे गुन्हा रजिस्टर क्रमांक २९१/२०२६ अन्वये भारतीय हत्यार अधिनियमांतर्गत गुन्हा दाखल करण्यात आला आहे. तसेच या प्रकरणातील फरार आरोपी सिद्धू माने (रा. आर्वी, ता. जि. लातूर) व विकास हिंगे (रा. हरंगुळ बु., ता. जि. लातूर) यांचा पोलीस शोध घेत आहेत.
ही कारवाई पोलीस अधीक्षक अमोल तांबे, अपर पोलीस अधीक्षक मंगेश चव्हाण आणि उपविभागीय पोलीस अधिकारी समीरसिंह साळवे यांच्या मार्गदर्शनाखाली पोलीस निरीक्षक समाधान चवरे यांच्या नेतृत्वात पार पडली.
कारवाईत पोउपनि श्रीकांत मोरे, पोलीस अमलदार बळवंत भोसले, राजाभाऊ म्हस्के आणि सचिन गिरी यांनी सक्रिय सहभाग घेतला. पुढील तपास सहाय्यक पोलीस निरीक्षक ज्ञानेश्वर सानप करीत आहेत.
