जळगाव (प्रतिनिधी) – शहरातील सुप्रिम कॉलनी परिसरात राहणारे मुन्ना चंदू राठोड (वय ६५) यांनी मंगळवारी दुपारच्या सुमारास राहत्या घरात गळफास घेऊन आत्महत्या केल्याची घटना उघडकीस आली.
घटना लक्षात येताच नातेवाईकांनी त्यांना तातडीने जिल्हा शासकीय वैद्यकीय महाविद्यालय रुग्णालयात दाखल केले; मात्र त्यापूर्वीच त्यांचा मृत्यू झाल्याचे डॉक्टरांनी घोषित केले.
आत्महत्येमागील नेमके कारण अद्याप अस्पष्ट असून एमआयडीसी पोलीस ठाण्यात आकस्मित मृत्यूची नोंद करण्यात आली आहे. पुढील तपास पोलिसांकडून सुरू आहे.
