जळगाव (प्रतिनिधी: ) शहरातील रामेश्वर कॉलनी श्री संत ज्ञानेश्वर प्राथमिक व माध्यमिक विद्यालयात इयत्ता पाचवी व दहावीच्या विद्यार्थ्यांसाठी लसीकरण उपक्रम उत्साहात पार पडला. विद्यार्थ्यांच्या आरोग्य सुरक्षेसाठी आयोजित या उपक्रमात आरोग्य विभागातील आरती वंजारी (आरोग्य सेविका), गायत्री पाटील (आरोग्य सेविका) तसेच कविता सोनवणे (आशा वर्कर) यांनी उपस्थित राहून विद्यार्थ्यांचे लसीकरण केले. तसेच त्यांनी विद्यार्थ्यांना आरोग्यविषयक आवश्यक मार्गदर्शनही केले.
उपक्रम यशस्वी करण्यासाठी विद्यालयातील शिक्षकवर्गाचे सहकार्य मोलाचे ठरले. संपूर्ण लसीकरण प्रक्रिया सुरळीत पार पाडण्यासाठी शिक्षकांनी समन्वय साधत उपक्रमात सक्रिय सहभाग नोंदविला.
या महत्त्वपूर्ण आरोग्य उपक्रमाबद्दल मुख्याध्यापक मुकेश नाईक यांनी आरोग्य विभागातील सर्व अधिकारी व कर्मचाऱ्यांचे मनःपूर्वक आभार व्यक्त केले. इयत्ता पाचवी व दहावीच्या विद्यार्थ्यांसाठी हा उपक्रम अत्यंत लाभदायक ठरल्याचे त्यांनी सांगितले.
