- गेवराई (प्रतिनिधी)’
- नवनीत काँवत यांच्या आदेशानुसार सर्व प्रकारच्या चोरीच्या घटनांवर प्रभावी आळा घालण्यासाठी गेवराई पोलिसांनी वेगाने कारवाई करत मोटरसायकल चोरी प्रकरणातील आरोपीला अवघ्या 24 तासांत अटक केली.
- दिनांक 13 मे 2026 रोजी दुपारी साडेतीन वाजण्याच्या सुमारास गेवराई शहरातील जुना बसस्टँड परिसरातील हॉटेल साई प्रसाद समोरून एक मोटरसायकल चोरीला गेली होती. याप्रकरणी वाहन मालकाने 14 मे रोजी पोलीस स्टेशन गेवराई येथे तक्रार दाखल केली होती.
- तक्रार दाखल होताच पोलिसांनी तांत्रिक विश्लेषण, सीसीटीव्ही फुटेज आणि गोपनीय माहितीच्या आधारे तपास सुरू केला. तपासादरम्यान आरोपीचा शोध घेत अवघ्या 24 तासांत मोटरसायकल चोराला चोरीच्या वाहनासह ताब्यात घेण्यात आले.
- आरोपी परसराम आबासाहेब बाराखडे (रा. गोविंदवाडी) याच्याकडून चोरीस गेलेली हिरो पॅशन मोटरसायकल (क्रमांक एमएच 21 एएम 2089) जप्त करण्यात आली आहे. आरोपीला पुढील कारवाईसाठी न्यायालयासमोर हजर करण्यात येणार असल्याची माहिती पोलिसांनी दिली.
- ही कारवाई सचिन पांडकर यांच्या आदेशाने तसेच अनिल घटके यांच्या मार्गदर्शनाखाली करण्यात आली. कारवाईत कौशोर पवार यांच्यासह पोलीस कर्मचारी दिलीप सरवदे, अमोल सोनवणे, ऋषीकेश पोटे, आरफ बागवान आणि विनोद कुटे यांनी सहभाग घेतला.
गेवराई पोलिसांची धडाकेबाज कारवाई : मोटरसायकल चोर 24 तासांत जेरबंद
संपादक - रजत शेख
