(प्रतिनिधी : राहील देशमुख)
नरडाणा (ता. शिंदखेडा) :
दि. २२ ऑक्टोबर २०२५ रोजी पहाटे सुमारास नरडाणा ते मेलाणे रोडवरील पुलाखाली गस्तीदरम्यान पोलिसांना दोन संशयित इसम आढळून आले. त्यांना शिताफीने ताब्यात घेत त्यांच्या अंगझडतीदरम्यान गावठी बनावटीचे पिस्तूल, २ जिवंत काडतुसे, घरफोडीचे साहित्य, दोन मोबाईल व विनानंबरची हिरो स्प्लेंडर प्लस मोटरसायकल असा एकूण ₹८८,४१०/- किमतीचा मुद्देमाल हस्तगत करण्यात आला.
ताब्यात घेतलेले आरोपी —
१️⃣ अजीत रेमा ठाकूर (वय २१, रा. घोडल्यापाणी, ता. कुंजरी, जि. बडवाणी, मध्यप्रदेश)
२️⃣ विधीसंघर्षग्रस्त बालक
प्राथमिक चौकशीत आरोपींनी बोराडो, सांगवी, नेवाली व चोपडा फाटा (शिरपूर) परिसरात चोरी केल्याची कबुली दिली असून, मिळालेली मोटरसायकल त्यांनी चोरी केली असल्याचे तसेच नरडाणा गावात मोबाईल दुकानात चोरी करण्याच्या तयारीत असल्याचे उघड केले आहे.
या प्रकरणी पोलीस कर्मचारी सुनिल गावीत यांच्या तक्रारीवरून आरोपींविरुद्ध भारतीय हत्यार अधिनियम १९५९ च्या कलम ३/२५ नुसार गुन्हा दाखल करण्यात आला आहे.
ही कारवाई मा. पोलीस अधीक्षक श्री. श्रीकांत धिवरे, मा. अपर पोलीस अधीक्षक श्री. अजय देवरे, व उपविभागीय पोलीस अधिकारी श्री. सुनिल गोसावी (शिरपूर विभाग) यांच्या मार्गदर्शनाखाली नरडाणा पोलिस ठाण्याचे सहाय्यक पोलीस निरीक्षक निलेश मोरे यांच्या नेतृत्वात करण्यात आली.
कारवाईत पो.उप.नि. रविंद्र महाले, असई हेमंत पाटील, पो.हे.का. ललित पाटील, भरत चव्हाण, राकेश शिरसाद, गणेश पाटील, योगेश गिते, नारायण गवळी, पो.किं. सुनिल गावीत, अर्पण मोरे, विजय माळी, दीपक भामरे, राकेश चौधरी, चा.पो.हे.का. सुनिल पगारे व भरत भगरे यांनी सहभाग घेतला.
