(संपादक : रजत शेख)
जळगाव : संत ज्ञानेश्‍वरांच्या अमृतवाणीतून समाजात भक्ती, नैतिकता आणि सेवा भाव जागृत ठेवण्याच्या उद्देशाने आयोजित ज्ञानेश्वरी पारायण सप्ताहात आज महिलांसाठी विशेष उपक्रम राबविण्यात आला. पारायणासाठी सातत्याने उपस्थित राहणाऱ्या महिलांना पैठणीचे वाटप करण्यात आले.
या कार्यक्रमासाठी आमदार राजू मामा भोळे व जळगाव शहर महानगरपालिकेच्या महापौर सौ. सीमा ताई भोळे यांच्या हस्ते पैठणींचे वितरण करण्यात आले. पारायणासाठी नियमित बसणाऱ्या महिलांच्या चेहऱ्यावर आनंद आणि समाधान पाहायला मिळाले.
या प्रसंगी आमदार राजू मामा भोळे म्हणाले, “ज्ञानेश्वरी पारायण ही आपल्या अध्यात्मिक परंपरेची अमूल्य देण आहे. पारायणासाठी वेळ देणाऱ्या प्रत्येक स्त्रीचा सन्मान करणे ही सामाजिक जबाबदारी आहे.”
महापौर सौ. सीमा ताई भोळे यांनीही महिलांच्या उत्स्फूर्त सहभागाचे कौतुक केले.
कार्यक्रमाला मोठ्या संख्येने भाविक उपस्थित होते. पारायण सप्ताहात धार्मिक कार्यक्रमांसोबत आयोजित केलेला हा सामाजिक उपक्रम भक्तांच्या मनाला भावणारा ठरला.
आयोजक मा. नगरसेवक प्रशांत भाऊ नाईक व सौ. अर्चनाताई प्रशांत नाईक यांनी आमदार दांपत्यांचा सत्कार करून त्यांचे आभार मानले.
