🔥 आगीचा प्रचंड रौद्ररुप! जळगाव एमआयडीसी हादरलं – केमिकल कंपनी भस्मसात! 🔥

जळगाव ( संपादक:रजत शेख)

जळगाव एमआयडीसीत आज सकाळी अक्षरशः रुद्रावतार धगधगला! आर.एल. चौफुलीजवळील एन सेक्टरमधील ‘आर्यव्रत’ केमिकल कंपनीला सकाळी अंदाजे ११ वाजता अचानक भीषण आग लागली आणि काही क्षणांतच संपूर्ण परिसर लालभडक ज्वाळांनी वेढला!

आग इतकी भयंकर होती की ४ ते ५ किमी अंतरावरून धुराचे प्रचंड ढग आणि ज्वाळांचे तांडव स्पष्ट दिसत होते. नागरिक अक्षरशः घाबरून घराबाहेर पडले!

🔥 ८ ते १० अग्निशमन बंबांचा अलर्ट!

महानगरपालिका, जैन इरिगेशन, वरणगाव, भुसावळ, जामनेर , नशिराबाद – अशा सर्व ठिकाणांहून आलेल्या ८ ते १० फायर ब्रिगेड बंबांनी युद्धपातळीवर शर्थीचे प्रयत्न सुरू केले आहेत. तरीही केमिकलमुळे पेटलेली आग आवरायला अग्निशमन दलाला अक्षरशः नाकीनऊ आले.

💥 लाखोचे नुकसान – कंपनी राखेत!

कंपनीतील महागडे केमिकल, कच्चा माल आणि यंत्रसामग्री क्षणात भस्मसात! नुकसानीचा आकडा लाखोंपार गेल्याचे समजते, मात्र अधिकृत माहिती अद्याप उपलब्ध नाही.

🚨 प्रशासनाचा तातडीचा धावता दौरा!

घटनेची माहिती मिळताच जिल्हाधिकारी रोहन घुगे, तसेच पोलीस विभागाचा ताफा घटनास्थळी रवाना झाला. जिल्हाधिकाऱ्यांनी आग शॉर्टसर्किटमुळे लागल्याची प्राथमिक शक्यता व्यक्त केली.

याचदरम्यान आमदार राजू मामा भोळे यांनीही घटनास्थळी धाव घेत आढावा घेतला. मोठ्या प्रमाणावर नागरिकांची गर्दी होऊ लागल्याने पोलिसांनी परिसर बंद करून सुरक्षेची जबाबदारी सांभाळली.