आपले शब्द ( प्रतिनिधी : रजत शेख )
धुळे जिल्ह्यातील नरडाणा व शिंदखेडा पोलिसांनी संयुक्तपणे मोठी कारवाई करत महाराष्ट्रात प्रतिबंधित असलेला पानमसाला व सुगंधीत तंबाखूचा दोन ट्रक भरलेला माल जप्त केला आहे. या कारवाईत एकूण ₹1,92,99,040/- किमतीचा मुद्देमाल हस्तगत करण्यात आला आहे.
दिनांक 07 ऑक्टोबर 2025 रोजी पहाटे सुमारे 1.45 वाजता, मिळालेल्या गोपनीय माहितीनुसार गोविंद पेट्रोलपंप, सारवे शिवार, ता. शिंदखेडा, जि. धुळे येथे पोलिसांनी सापळा रचला. त्यात दोन ट्रक क्रमांक MP 13 GB 2822 व MH 27 DT 1343 पकडण्यात आले.
हे दोन्ही ट्रक मध्यप्रदेशातील चालक अमजद अजिज खान (वय 43, रा. रतलाम) व असफाक अब्बास खान (वय 47, रा. धार) यांच्या ताब्यात होते. या वाहनांमध्ये प्रिमीयम राजनिवास पानमसाला, प्रिमीयम जाफरानी जर्दा, डायरेक्टर स्पेशल पानमसाला व शॉट 999 लक्झरी च्युईंग टोबॅको असा मोठ्या प्रमाणात प्रतिबंधित माल आढळून आला.
हा माल शिरपूरकडून धुळेकडे चोरटी वाहतूक करून विक्रीसाठी नेला जात होता, अशी माहिती पोलिसांनी दिली आहे. दोन्ही वाहनांसह एकूण ₹1.92 कोटी रुपयांचा मुद्देमाल जप्त करण्यात आला आहे.
या प्रकरणी नरडाणा पोलीस स्टेशन येथे भा.न्या.स. 2023 चे कलम 123, 274, 275, 223 प्रमाणे गुन्हा दाखल करण्यात आला असून तपास पोलीस उपनिरीक्षक रविंद्र महाले हे करीत आहेत.
सदर कारवाई मा. पोलीस अधीक्षक श्रीकांत धिवरे, अपर पोलीस अधीक्षक अजय देवरे, व उपविभागीय पोलीस अधिकारी सुनिल गोसावी यांच्या मार्गदर्शनाखाली करण्यात आली.
कारवाईत सपोनि निलेश मोरे (नरडाणा), सपोनि एच.एल. गायकवाड (शिंदखेडा) तसेच पो.नि. रविंद्र महाले, विजय आहेर, चालक अजय सोनवणे, गणेश पाटील, रईश शेख, ललीत पाटील, भरत चव्हाण, नारायण गवळी, योगेश गिते, भुरा पाटील, अनिल सोनवणे, भोई, अर्पण मोरे, सचिन बागुल व चौधरी यांनी सक्रिय सहभाग घेत उल्लेखनीय कामगिरी बजावली.
🚔 नरडाणा व शिंदखेडा पोलिसांची ही कारवाई तंबाखू माफियांविरुद्ध मोठा धक्का ठरली असून स्थानिकांतून पोलिसांच्या कार्याचे कौतुक होत आहे.
—
